Shtrenjtohen biletat për refugjatët nga 10 në 25 euro, reagojnë aktivistët qytetarë

Çmimi i biletës për udhëtim me tren nga Gjevgjeli në Tabanoc për refugjatët është rritur në 25 euro, reagojnë aktivistët qytetarë. Hekurudhat e Maqedonisë e kanë shtrenjtuar biletën për plot 15 euro apo 900 denarë, njofton NovaTV.

Për më pak së një muaj, kjo është rritja e tretë e biletës për relacionin Gjevgjeli-Tabanoc. Në gusht bileta ka kushtuar 350 denarë, më pas është rritur në 600 dhe tani në 1500 denarë. Sipas informatave jozyrtare Hekurudhat e Maqedonisë vetëm për një muaj kanë fituar më shumë se një milion euro.