Tetovë, policia kap dy persona me 5 kilogram marihuanë
Ministria për Punë të Brendshme ka njoftuar se mbrëmë rreth orës 21, në rrugën rajonale Tetovë-Pirok, në fshatin Palçishtë të Poshtëm, policia ka ndaluar një veturë “Fiat Lancia” me regjistrim të Gostivarit, të drejtuar nga 39 vjeçari J.I nga fshati Kamjan, i shoqëruar nga 25 vjeçari P.GJ nga Dibra.
Pas kontrollit të plotë të veturës, në bagazhin e veturës është gjetur një qese e bardhë, në të cilën ka pasur pesë paketime me materie të panjohura, me gjasa marihuanë, e mbështjellë me shirit të tejdukshëm.
Materia e panjohur është rreth 5 kilogram e rëndë dhe për momentin është marrë për analiza të mëtutjeshme.
Policia po punon në zbardhjen e rastit.