Paralelet në Strugë do të kenë më pak se 24 nxënës

Paralelet në shkollat fillore dhe të mesme në Strugë do të kenë më pak se nga 24 nxënës. Vendimi u miratua nga Këshilli i Komunës, që të mos vijë deri te largimi i mësuesve nga puna, shkruan Alsat-M.

Këshilli komunal vendosi formimin e gjithsej 389 paralele në të gjitha shkollat fillore në këtë komunë me më pak se 24 nxënës, që është minimumi i përcaktuar me ligj. Disa nga paralelet janë edhe me 10, 15 ose 18 nxënës. Sipas të dhënave të sektorit të arsimit, ulja e numrit të paraleleve vjen për shkak të shpërnguljeve nga Struga.