Etiketime sa të duash, argumente askund
Artikull tendencioz dhe i qëllimshëm që mundohet ta zhvlerësojë reagimin e Komitetit të Helsinkit, i cili i kritikoi masat e dhunshme që i përdori policia në vendkalimet kufittare ku është shpallur gjendje krize për shkak të numrit të madh të refugjatëve.
Komunikata e përmendur në të cilën kontestohet ligjshmëria e vendimit të këtillë qeveritar, faktikisht, është shfrytëzuar për ta sulmuar dhe për ta etiketuar këtë organizatë joqeveritare për mbrojtjen e të drejtave të njeriut.
Linku deri te artikulli origjinal: Recension: Komiteti i Helsinkit i LSDM-së e sulmoi MPB-në
Data dhe koha e publikimit: 21.08.2015, 16:47
Data e recensionit: 22.08.2015
Recensues: Оlivera Vojnovska
Teksit shfrytëzon burime precize të informatave dhe fakte të vërteta. Mirëpo, problemin për të cilin reagon Komiteti i Helsinkit – qëndrimin e autoriteteve maqedonase, plotësisht margjinalizohet. Prandaj, fokusi është vënë në diskreditimin e kësaj organizate joqeveritare, me ç’rast kritikave të saj, qëllimisht u jepet ngjyrim partiak, opozitar.
Në fakt, reagimi për shkak të „rеagimit johuman të pjesëtarëve të policisë speciale ndaj refugjatëve” dhe mënyra se si është marrë vendimi për gjendjen e krizës, ishte arsye që Komitetit i Helsinkit të etiketohet si “i LSDM-së”.
E kjo bëhet që kur është zgjedhur titulli: “Komiteti i Helsinkit i LSDM-së e sulmoi MPB-në”, si dhe me fjalinë e parë të artikullit. Me këtë rast, si dëshmi kryesore theksohet (ka edhe print-screen) se në Këshillin drejtues dhe në Kuvendin e Komitetit të Helsinkit
ka anëtarë të dalluar të LSDM-së dhe gazetarë të afërt me ta.
Në frymën e njëjtë është edhe përfundimi i tekstit, ku përmenden me emër njerëz të cilët publikisht e kritikojnë pushtetin.
Që, në bazë të definicionit duhet të nënkuptojë se ata janë nga radhët e partisë më të madhe opozitare, ose mbështetës të saj! Për shkak se, çdo mendim kritik, madje edhe vërejtja më e vogël duhet të jetë qëllimkeqe dhe duhet të ketë ndonjë lidhje me opozitën!
Kështu, edhe në artikull saktësisht transmetohet komunikata e Komitetit të Helsinkit, ajo është plasuart ashtu që është humbur krejtësisht qëllimi i saj në etiketat e ngjitura partiake.
Gjegjësisht, ashtu siç nuk duhet të duket një produkt gazetaresk.