Bamir Topi fajëson Sali Berishën për gjendjen e sotme të së djathtës

Ish-kryetari i Shqipërisë Bamir Topi bën fajtor ish-liderin demokrat, Sali Berisha, për gjendjen ku ndodhet sot e djathta.
Kreu i Frymës së Re Demokratike thotë se vendimmarrja e Bashës ndikohet ende nga Berisha, i cili, përkundër atyre që thotë, ka ndikim të fortë në Partinë Demokratike.

Duke folur në një intervistë për Shqiptarja.com, Topi ka propozuar një mënyrë të re zgjedhjeje për kreun e shtetit. Sipas ish-presidentit, në mënyrë që të shmangen produkte politike siç e quan ai zgjedhjen e Bujar Nishanit, duhet që kreu i shtetit të zgjidhet direkt nga populli.