Çfarë pritet të ndodhë mes Ramës dhe Metës në shtator
Javët e fundit po flitet gjithmonë e më shumë për nëj çarje mes LSI dhe PS.
Sulme nga të dyja palët kanë vënë në pikëpyetjë aleancën mes Ramës dhe Metës.
Të parët që nisën sulmet ishin përfaqësuesit e PS që i cilësuan të dobët kandidatët e LSI në Pogradec dhe Mallakastër.
LSI-stët u kundërpërgjigjën duke thënë se socialistët u kanë sabotuar punën dhe kanë punuar për kundërshtarin.
Por liderët Rama dhe Meta kanë hedhur ujë mbi zjarrin duke thënë se koalicioni i tyre është i fortë dhe nuk ka asnjë krisje.
Por a do të ketë realisht një krisje në qeveri në muajin shtator?
Për Alfred Lelën nuk pritet të ndodhë një gjë e tillë.
Madje ai thotë se deri në 2017 ky koalicion do të jetë i bashkuar dhe nuk ka asnjë arsye përse të ndahen.
“Koalicionet qeverisëse prishen për ide(ologji) të mëdha ose për inate/interesa të mëdha. Përveç estetikës, asnjë ideal tjetër nuk e ndan dyshen qeverisëse Rama-Meta, kështu që bashkëjetesa e tyre politike do të vazhdojë, edhe pse sublimja e njërit jo gjithmonë takon të mirën e tjetrit”,shkruan Lela në komentin e tij në Mapo.