Zyrtari shtetëror me këmbë në dritare!

Zyrtarët e shtetit duhet të jenë shembull për të tjetër në respektimin e ligjeve që aplikohen në vendin e tyre, por një gjë e tillë nuk po ndodh edhe në Kosovë.

Në një foto të siguruar nga ORAinfo shihet një veturë zyrtare duke qarkulluar diku nëpër rrugët e Kosovës, por ajo që bije në sy është se njëri nga udhëtarët ka nxjerr këmbët jashtë dritareve.

Një veprim i tillë është rreptësisht në kundërshtim me ligjet e komunikacionit rrugorë.

Por si duket ky zyrtar nuk lodhet shumë për rregullat dhe ligjet të cilat aplikohen në Kosovë, transmeton ORAinfo.

Sidoqoftë, në mbledhjen e Qeverisë të datës 4 maj, 2015, kryeministri Isa Mustafa pati folur rreth keqpërdorimit të veturave zyrtare gjatë festave.

Sipas Mustafës, kjo dukuri nuk duhet lejuar ndërkaq ka kërkuar nga ministri i Punëve të Brendshme që herëve tjera këto vetura të ndalohen dhe, nëse nuk janë të autorizuar që janë duke udhëtuar zyrtarisht, të kthehen prapa.