Gjerdani më i shtrenjtë me një diamant të verdhë del në shitje

Gjerdani me një diamant të madh të verdhë, i përfshirë në Librin e Rekordeve Guinness si më i shtrenjti në botë, është nxjerrë në shitje në Singapor.

Aksesori është punuar nga shtëpia e bizhuterive Mouawad në vitin 2012 dhe ka një vlerë prej 55 milionë dollarë.

Diamanti i përkryer me ngjyrë të verdhë që peshon 407 karat ndodhet në qendër të një gjerdani me ar ngjyrë rozë, të cilin e zbukurojnë edhe 90 diamantë të tjerë të prerjeve të ndryshme. Show i bizhuterive JewelFest do të zhvillohet në Singapor nga data 11-20 tetor.