Prokurori publik special në tryezën e bisedimeve
Sot vazhdojnë bisedimet në mes përfaqësuesve të katër partive më të mëdha politike VMRO-DPMNE, LSDM, BDI dhe PDSH për implementimin e marrëveshjes së Prizhinos për tejkalimin e krizës politike.
Sot liderët do të bisedojnë për Prokurorin Publik Special. Figurat të cilët do të kenë pavarësi nga puna e tyre, do të duhet të zgjidhen me 15 shtator, ndërsa me 1 tetor opozita maqedonase do të duhet të kthehet në parlament dhe të votoj ligjin për Prokurorin.
Të mërkurën fillon harmonizimi i qëndrimeve për rregulloren e zgjedhjeve për zgjedhjet e parakohëshme parlamentare që pritet të zhvillohen në prill.