Përfundoi rregullimi i trim shtigjeve dhe ndriçimit në Parkun e Gazi Babës
Kryetari i Komunës së Çairit së bashku me kryetarin e Qytetit të Shkupit Koce Trajanovski, sot promovuan investimin e fundit, lëshimin në përdorim të trim shtegut të ri në Parkun e Gazi Babës.
Gjatë konferencës për media që u mbajt në vendngjarje kryetari i Çairit falenderoi Qytetin e Shkupit për mbajtjen e premtimit për realizimin e këtij projekti i cili është tejet i rëndësishëm për qytetarët që gravitojnë në parkun e Gazi Babës. “Duke dit vlerën dhe rëndësinë e këtij parku, ne kontribuam edhe në sjelljen e Ligjit për mbrojtjen e Parkut të Gazi Babës. Në të ardhmen do punojmë që të pasurojmë këtë ambient me elemente dhe rekuizita tjera për të gjitha shtresat e popullatës. Premtoj që do përkushtohemi edhe në të ardhmen që Parku i Gazi Babës të shndërrohet në kënd rekreativ për qytetarët e Çairit dhe komunave përreth” tha mes tjerash kryetari Mexhiti.
Shtegu i ri fillon nga Fakulteti matematiko natyror drejt lagjes “Hekurana” nga ana e Çairit. Shtegu është i gjatë 1.200 metra, ndërsa i gjerë 2.6 deri 3 metra, varësisht nga kushtet e terenit.
Përgjatë shtegut janë formuar 3 (tre) trim me fitnes elemente (dy stacione druri dhe një trim stacion metali), 1 (një) element rekreativ për fëmijë, 15 kilometra karrige druri me tavolina, çezme për ujë dhe 4 horizonte (dy të mëdhenj dhe dy horizonte të vegjël).
Në mënyrë plotësuese është rregulluar edhe një trim shteg me gjatësi prej rreth 600 metra dhe gjerësi prej 3 metra e cila të çon prej Fakultetit matematiko – natyror deri te kopshti i mëparshëm për fëmijë Gazi Babë. Ky shteg është ndërtuar me asfalt dhe është ndriçuar. Për ndriçimin e këtij shtegu janë vendosur 31 shtylla për ndriçim me lartësi prej 10 metra për të cilat janë montuar 4 reflektorë për ndriçim të fushës së futbollit dhe 2 reflektorë për ndriçimin e fushës së basketbollit me fuqi prej 250ë. Punët për ndërtimin e ndriçimit i realizon ekipi i “Digital” SHPK nga Strumica.
Rregullimi i parkut të natyrës “Gazi Babë” do të mundësojë kushte më të mira për qëndrim të qytetarëve në natyrë dhe do të ofrojë risi të reja për pushim dhe rekreacion.