Ancelotti po bëhet gati për kthim në Premier Ligë

Njëri ndër trajnerët më të mirë në botë, Carlo Ancelotti mund të rikthehet në Premier Ligë, por jo te skuadra e Chelseat.

Sipas raporteve nga “Sportmediaset” Ancelotti do të bëhet trajner i Manchester Unitedit, në rast se Louis van Gaal dështon të sigurojë kualifikimin në Ligën e Kampionëve për sezonin e ardhshëm.

Një luftë e madhe në Premier Ligë do të jetë edhe sivjet ndërmjet pesë ekipeve më të forta në ligë, për një vend në Ligën e Kampionëve, por sigursht edhe gara për titull do të jetë shumë interesante pas përforcimeve të mëdha që kanë bërë ekipet angleze.