Bombardohet konsullata e Italisë në Kairo
Një eksplodim i fortë e ka dëmtuar konsullatën italiane në kryeqytetin e Egjiptit në Kairo.
Zyrtarë nga ministria e shëndetësisë kanë thënë se një person ka vdekur dhe 4 të tjerë janë lënduar.
Shpërthimi është shkaktuar nga një bombë e cila ishte montuar në një veture dhe ende asnjë grup nuk e ka marrë përgjegjësinë për sulmin, raporton BBC.
Ambasada ishte e mbyllur dhe asnjë pjesëtar nga stafi nuk është lënduar, kanë thënë zyrtarë të ambasadës për Associated Press.
Prokurori publik i Egjiptit, Hisham Barakat, është vrarë muajin e kaluar nga një sulm me bombë në Kairo.
Po ashtu edhe një veturë tjetër bombë, e cila për target kishte stacionin e policisë, i ka lënë tre të vdekur.
Forcat e Sigurisë së Egjiptit fajin për sulmet e kanë hedhur te ISIS, me të cilët ka luftuar në gadishullin Sinai./KK