fbpx

Shqipëria fajtore për dronin, do paguajë 100 mijë euro (vendimi i plotë)

Duke lexuar vendimin e plotë të CAS sheh se kërkesa e Shqipërisë është miratuar vetëm pjesërisht. CAS i ka dhënë të drejtë Shqipërisë për akuzën e moskthimit në fushë, pasi është vlerësuar se arbitri nuk ka bërë një kërkesë të qartë që ekipi shqiptar të kthehej në fushë.

“Paneli i CAS konstatoi se provat nuk tregojnë se FSHF ka refuzuar për të luajtur pas një urdhëri të nxjerrë nga arbitri. Paneli i CAS nuk ishte në gjendje për të konstatuar se arbitri ka lëshuar një urdhër të qartë, të drejtpërdrejtë dhe të pakushtëzuar ndaj lojtarëve për të rifilluar ndeshjen në bazë të një vendimi të caktuar se siguria ishte vendosur” –thuhet në vendim, citon lapsi.al.

“Grupi i ekspertëve konstatoi se ndalja e ndeshjes dhe braktisja eventuale e ndeshjes janë shkaktuar nga gabime të sigurisë së organizatorëve dhe aktet e dhunës ushtruar mbi lojtarët shqiptarë nga ana e tifozëve serbë dhe të paktën një punonjësi të sigurisë. Si i tillë, Paneli konsideron se Shoqata e Futbollit e Serbisë (FAS) dhe jo FSHF duhet të konsiderohet si përgjegjëse për ndeshjen që nuk po luhet në mënyrë të plotë, dhe në shkelje të nenit 27,01 të Rregullores së Kampionatit Evropian të Futbollit UEFA 2014-2016 . Në dritën e këtij konstatimi, Paneli i CAS ka vendosur se ndeshja mes Serbisë dhe Shqipërisë të konsiderohet se kanë qenë të humbur nga FSF me rezultat prej 0:3” – thuhet në vendimin.

Për dronin

CAS konstatoi se në përputhje me UEFA-n, FSHF ka qenë përgjegjëse për dronin e hedhur gjatë ndeshjes dhe që mbante një flamur me simbole nacionaliste dhe patriotike shqiptare. CAS konfirmoi gjobën prej 100.000 euro të vendosura për FSHF. Fatkeqësisht, me gjithë respektin për Federatën Serbe të Futbollit, CAS ka vendosur të konfirmojë vendimin e marrë nga Apeli i UEFA’ i datës 2 dhjetor, ku Serbisë i merren tre pikë, dënohet me 100 mijë euro dhe dy ndeshjet e ardhshme do të luaj pa praninë e tifozëve.

Lajme të ngjashme

Back to top button