Japonia vendos tualete nëpër ashensorë

Gjendeni në ashensor. Ndjeni tërmet dhe frikësoheni. Ndalet rryma dhe jeni të robëruar në ashensor. Nuk dihet se sa do të mbeteni brenda…Japonia i merr parasysh këto situata, dhe prandaj vendos tualete për raste urgjente në ashensorë.

Ministri i infrastrukturës në Japoni, sëbashku me kompanitë nga industria kanë plan të vendosin tualete mobile në të gjithë ashensorët, si dhe sasi të ujit.

Pse ky interes i papritur për masa urgjente nëpër ashensorë?

Të shtunën e kaluar, një tërmet me fuqi prej 8,1 shkallë ndali funksionimin e 19.000 ashensorëve japonez. Çdo mision për shpëtim ka zgjatur mbi një orë. Për një vend që paraqet sinonim për tërmete, ky është një problem i madh.

Tërmeti i javës së kaluar kishte epicentër në pothuajse një mijë kilometra nga Tokio, por dridhja është ndjerë në tërë vendin.

Asociacioni i ashensorëve në Japoni informon që vetëm në Tokio ka më tepër se 150.000 ashensorë (për krahasim, në Njujork janë 58.000). Shkencëtarët supozojnë që tërmeti i ardhshëm i cili do ta godet Japoninë më fuqishëm mund të robërojë me dhjetëra mijëra njerëz.