“Tregu i grave” në Tetovë humb gjallërinë e dikurshme (FOTO)
Dita e tregut në Tetovë vin duke e humbur kuptimin e vet. Kështu të paktën thonë shitësit në këtë vend.
Dita e enjte kohë më parë ishte një ditë e madhe për të gjithë tetovarët e sidomos për banorët e Malësisë të cilët vinin në Tetovë për të bërë Pazar, tani më kjo ditë, thuajse nuk dallon nga ditët tjera.
Një pamje të zymtë kishte sot tregu i Tetovës, i ashtuquajturi “Tregu i grave”që të jepte përshtypjen se ka me shumë shitës se sa blerës.
Ismail Ameti thotë se kjo ditë e ka humbur kuptimin e vet për shumë tetovarë.
”Nuk është si më parë, këtu në tregun e grave vinin shitës nga e gjithë Maqedonia dhe sidomos nga Prizreni për të bërë tregti, por tash nuk ka më blerës dhe nuk vijnë këtu” thotë shitësi Ameti.
“Tregu i grave” në Tetovë gjendet në rrugën për në Kodrën e Diellit dhe përfshin hapsirën nga varrezat myslimane deri te ‘Arabati Baba Teqe’. Aty gjatë të enjteve krijohet shumë huti në komunikacion.