‘E verdha është e gjelbër’ edhe në Kërçovë

Ditën e shtunë, Komuna e Kërçovës do t’i bashkëngjitet projektit gjithëpërfshirës “Eja Maqedoni” duke organizuar një aksion pastrimi që planifikohet të përfshijë të gjithë qytetin.

Projekti i titulluar “E verdha është e gjelbër”, do të jetë motoja e nismës për pastrimin e qytetit dhe siç paralajmërojnë nga kjo komunë, e gjithë administrata e Komunës së Kërçovës, do t’i bashkëngjitet aksionit për pastrimin dhe rregullimin e qytetit, duke filluar nga ora 8:00 deri në orën 16:00.
“Kryetari komunës .Fatmir Dehari, gjithashtu do të jetë gjatë tërë realizimit të aksionit në terren, që së bashku me qytetarët, nëpunësit, profesorët, nxënësit, punëtorët do të marrë pjesë në pastrimin e qytetit. Me këtë rast, apelojmë te qytetarët që sa më masovikisht të marrin pjesë në pastrimin e qytetit, sepse kjo bëhet me qëllim që të mënjanohen hedhurinat dhe të kemi ambient më të pastër jetësor.” – thuhet në njoftimin e publikuar nga Komuna e Kërçovës.

Aksionit do t’i bashkëngjiten të gjitha shkollat dhe ndërmarrjet që funksionojnë në Kërçovë të cilët do të shpërndahen në grupe, me qëllim të përfshirjes së gjithë territorit të komunës