A jemi të spiunuar nga Google Chrome?
Duket sikur një softuer i ri nga Google mund të dëgjoj çdo gjë që flitet në një dhomë, dhe është i instaluar në kompjuterët personal të njerzve, pa dijeninë e tyre.
Softueri Chromium i vërejtur së pari nga zhvilluesit e programeve open-source, ka filluar të instaloj audio kode që kanë mundësi të dëgjojnë përdoruesit e Chrome, ka raportuar së fundmi The Guardian.
Qëllimi primar i këtij kodi është mundësimi i bërjës së kërkesave me zë, përmes OK Google. Megjithatë, dëgjimi është aktivizuar pa lejen e përdoruesve të këtij aplikacioni.
Pa miratim të përdoruesve, programi nga Google ka shkarkuar një kod i cili mundëson aktivizimin e mikrofonit dhe kështu ka filluar dëgjimi në dhomë.” – ka deklaruar Rick Falkvinge, lideri i partisë pirate në Suedi, në një post të publikuar në blogun e tij.
Zyrtarët nga Google kanë demantuar aktivizimin e një kodi të tillë, megjithatë zhvilluesit e programeve kanë dëshmuar të kundërtën.
Programeri Ofer Zelig ka shtuar: “Sa isha duke punuar kam vërejtur ndezjen dhe ndaljen e dritës LED të kamerës. Pas përsëritjes së këtij veprimi, kam parë vazhdimin e këtij procesi për disa sekonda, vazhdimisht.”
Kontrollet me zë janë bërë shumë të famshme kohëve të fundit, me përhapjen e telefonave të mençur në tregun komercial.
Ndërkohë, pas zbulimeve të Edward Snowden, përdoruesit e këtyre paisjeve kanë filluar të merakosen për abuzimet që mund të sjellin pajisjet teknologjike. (Telegrafi)
