Të gjitha ngjarjet politike që pritet ta nxjerrin Maqedoninë nga kriza
Takimet e kaluara nga liderët e partive politike për zgjidhjen e krizës politike dhe dokumentet që dolën prej tyre, si dhe nga takimet me përfaqësuesit e komunitetit ndërkombëtar, sollën njëfarë orari të aktiviteteve deri në zgjedhjet e parakohshme në prill të vitit të ardhshëm.
Sipas kësaj, këto mund të jenë datat:
- Më 29 qershor –Takim liderësh ku partitë do të tentojnë të gjejnë zgjidhje të përbashkët për qeverinë kalimtare. Kjo u arrit më 19 qershor, në prezantimin e raportit të Rajnhard Pribe.
- Sesioni i korrikut të Këshillit të BE-së –Pritet të prezantohen propozime të hollësishme dhe konkrete për reformat të cilat planifikohen të zbatohen muajt në vijim, si që rekomandoi Këshilli i BE-së.
- Fundi i gushtit – Takim me ndërmjetësit e BE-së për të gjitha partitë politike të përfaqësuara në Kuvend, ku duhet të miratohet marrëveshje për zgjidhjen e reformave strukturale në fushën e kapitujve 23 dhe 24.
- Tetori- Sesioni i rregullt i Këshillit të BE-së dhe prezantimi i raportit vjetor për avancimin e Maqedonisë.
- Nëntor –Raporte nga komisionet parlamentare që parashihen me marrëveshjen e 2 qershorit e me të cilat duhet të udhëheq LSDM (komision parlamentar bazuar në skandalin e përgjimeve, komisione për zbulimin dhe intervenimin në komunikime )
Të gjitha këto data dhe afate mund të dështojnë nëse këtë të hëne (29 qershor) liderët nuk arrijnë marrëveshje për qeveri kalimtare.
E pasigurtë ngel:
- Kur dhe a do të kthehet LSDM në Kuvend;
- Kur, si dhe a do të largohet kryeministri nga posti;
- Si do të zbatohen reformat e parapara në marrëveshjen e 2 qershorit dhe a do t’i zbatojmë vet apo kjo do të ndodh me ndërmjetësim nga komuniteti ndërkombëtarë
- Datë të saktë për zgjedhjet (kur dhe a do të jenë në prill )