Shkup, aksident i rëndë, humb jetën 17 vjeçari

Në një aksident të rëndë që ka ndodhur dje në lagjen Draçevë në Kisela Vodë të Shkupit, ka humbur jetën një 17 vjeçar si dhe janë lënduar edhe dy vajza.

Sipas të dhënave të para aksidenti ka ndodhur rreth orës 11 të ditës së shtunë ku kanë marrë pjesë dy automjete “Ford Mondeo”, “Reno Laguna” si dhe një motor.

Sipas dëshmitarëve, me pasoja fatale e pësoi një i ri me motor, gjithashtu me lëndime të lehta e pësuan edhe dy vajza që ishin me viktimën të cilat ishin të moshës në mes 16 dhe 19 vjet. Të gjithë të aksidentuarit janë transferuar me ambulancë në spital.

Sipas informatave të fundit shoferi i motorit vdiq, dhe bëhet fjalë për 17 vjeçarin Petar J. i cili ka jetuar në Vollkovë.