Kili vazhdon me fitore (Video)

Kombëtarja e Kilit ka treguar edhe njëherë se është favorit për të triumfuar në Kupën e Amerikës.
Vendasit kanë arritur një fitore të thellë duke e mposhtur me ‘manita’ 5-0 Bolivinë për ta konfirmuar kalimin në çerekfinale.

Kilianët kanë dominuar gjatë gjithë ndeshjes, duke shënuar golin e parë në minutën e tretë nëpërmjet Aranguiz që shënoi një gol tjetër edhe në minutën e 66-të.

Tre golat tjerë në këtë sfidë u shënuan një nga Alexis Sanchez, një nga mesfushori i Interit Gary Medel si dhe i fundit u shënua nga bolivianët në portën e vetë.

Pas kësaj fitore Kili kalon si e para në Grupin A në çerekfinale, ndërsa si e dyta shkoi Bolivia edhe përkundër humbjes.