Stratev pa shumë ndryshime në reprezentacion

Seleksionuesi i ri i Maqedonisë në futboll, Zoran Stratev në dy ndeshjet e fundit kualifikuese për KB 2014 kundër Uellsit dhe Serbisë nuk do të bëjë shumë ndryshime në formacion, i cili në dy vitet e fundit ishte kompakt nën drejtimin e Janevskit.

“Të jem real shumë pa planifikuar më erdhi ky angazhim, por normalisht me përvojën time që kam jam i gatshëm që të ndihmoj që të vijmë deri te rezultati pozitiv në dy ndeshjet e mbetura. Është mburrje për mua që po e drejtor reprezentacionin pasi cili trajner nuk do të dëshironte këtë. Këtu, kam mbështetjen e kryetarit Ilço Gjorgjevski që të arrij suksese dhe të përfundojmë kualifikimet për në Brazil”, tha Stratev, duke shtuar.

“Formacioni i futbollistëve për duelin me Uellsin dhe Serbinë do të publikohet gjatë kësaj jave. Nuk do të ketë ndryshime të mëdha, por mendoj që të sjelli më shumë 2-3 lojtar të ri nga kampionati vendor. Qëllimi është që të largohemi nga pozita e fundit në grup, pasi Maqedonia sipas lojërave të treguara nuk e ka merituar këtë. Me shume reprezentatues kam bashkëpunuar nëpër ekipet ku edhe kam punuar, kështu që sigurisht nuk do te ketë asnjë problem”, tha Stratev.