Shembet rruga në lagjen ”Arbëria” në Prishtinë
Rruga e re, ende e painauguruar, në lagjen e re – Arbëria (ish-Dragodan) në kryeqytet, ku është vendosur edhe një pjesë e administratës komunale, ka “demonstruar” cilësinë menjëherë pas një shiu më serioz, që na gëzoi në këto ditë vjeshte. Ajo është shembur.
Ekspertët edhe më herët kishin paralajmëruar rrezikun për terrenin e rrëshqitshëm të kësaj pjese të Arbërisë, duke tërhequr vërejtjen të mos bëheshin ndërtime të ngutshme, pa e studiuar më mirë fizibilitetin e saj.
Fatmirsisht është shembur vetëm rruga dhe nuk njoftime për ndonjë lëvizje muresh të shumëkatësheve, që tashmë e kanë mbuluar këtë shpat përballë stacionit hekurudhor
Komuna e Prishtinës, informon qytetarët se sot pas një ndërhyrje pa leje të organit kompetentë, Komunës së Prishtinës, të kompanisë Redoni, ka ndodhur rrëshqitja e dheut, duke bërë kështu që të rrëshqas edhe rruga “Ekrem Rexha” në lagjen Arbëria.
Sipas të dhënave nga Drejtoria e Inspekcionit, ndërhyrja ilegale dhe e pa përgjegjshme e kompanisë Redoni në hapjen e gropës ka ndodh gjatë ditëve të vikendit. Inspekcioni komunal ka bërë menjëherë ndalimin e punimeve dhe e ka obliguar kompaninë që të ndërmarr masat e nevojshme për sigurimin e rrugës, e cila është në ndërtim e sipër.
Komuna, ka urdhëruar kompaninë Redoni që të bëjë sanimit e gjendjes dhe kthimin e gjendjes se mëparshme në rrugë.
Komuna po ashtu, kompanisë në fjalë do i bëjë edhe fletëparaqitje në gjykatë, për mos respektim të ligjeve dhe planeve rregulluese të lagjes.
Komuna e Prishtinës, i thirrje të gjitha kompanive ndërtuese në vend që gjatë kryerjes se detyrave të tyre të jenë të përgjegjshme dhe të respektojmë normat ligjore dhe planet rregulluese.
