Drejtuesit e Unionit të Arsimtarëve të Turqisë takohen me fëmijët jetimë në Shkup
Presidenti i përgjithshëm i Sindikatave të Nëpunësve Publikë dhe i Sindikatës Unioni i Arsimtarëve të Turqisë (Memur-Sen dhe Eğitim-Bir-Sen), Ali Yalçın, realizoi një takimi në një drekë me fëmijët jetimë në Shkup në kuadër të projektit “Çdo klasë ka një vëlla jetimë”, raporton Anadolu Agency (AA).
Në fjalimin e tij ai tha se: “Këto të rinj janë një përgjegjësi e dhënë ndaj nesh që jemi individ përgjegjës të familjes njerëzore dhe ata janë fëmijët tanë. Disa prej tyre ndoshta nuk kanë nënën apo babain, por ata kanë këtu 150 xhaxhallarë, vëllezër të mëdhenj, motra”.
Ali Yalçın dhe shoqëruesit e tij të ndodhur në Shkup për takimin e 31-të të kryetarëve të Këshillit Eğitim-Bir-Sen, ata kanë patur takime të ndryshme dhe në kuadër të projektit “Çdo klasë ka një vëlla jetimë”, janë takuar në një drekë me fëmijët jetimë.
Yalçın, i cili ka vënë në dukje se projekti është zhvilluar nga Ministria e Arsimit, Kryesia e Çështjeve Fetare të Turqisë, Eğitim-Bir-Sen dhe Fondacioni i Ndihmave Humanitare (IHH), ka theksuar se paratë e mbledhura nga kursimet e fëmijëve në Turqi ata kanë ndihmuar jetimët në klasat e përcaktuara si vëlla.
Ai ka theksuar se ka sjellë përshëndetjet e vëllezërve në Turqi dhe u shpreh se “nxënësit në Turqi morën dëftesat. Edhe ne ndodhemi këtu me të rinjtë tanë me jetimët tanë për ti dhuruar ndihmat arsimore dhe çantat. Këto të rinj janë një përgjegjësi e dhënë ndaj nesh që jemi individ përgjegjës i familjes njerëzore, ata janë fëmijët tanë. Disa prej tyre ndoshta nuk kanë nënën apo babain, por ata kanë këtu 150 xhaxhallarë, vëllezër të mëdhenj, motra”
Yalçın, duke vënë në dukje se sindikata përpiqet të ndihmojë atje ku ka nevojë, u shpreh se ndërtimi i komplekseve dhe jetimoreve në Ankara janë duke vazhduar, gjithashtu edhe iniciativat për ndërtimin e shkollave dhe të spitaleve në Palestinë.
– Thirrje për bashkëpunim nga ministri i Arsimit, Abdilaqim Ademi-
Yalçın dhe grupi shoqërues janë takuar edhe me ministrin e Arsimit të Maqedonisë Abdilaqim Ademi ku në takim ministri Ademi ka kërkuar bashkëpunimin e Memur-Sen me sindikatat rajonale në Maqedoni. Ademi duke theksuar se bashkëpunimi në fushën e arsimit duhet të vazhdojë duke u rritur, ka pohuar se ata dëshirojnë të mbështesin sindikatën në punimet e tyre në vend.
Ndërsa Yalçın duke shprehur rëndësinë që Turqia i kushton Maqedonisë, ka theksuar se dëshira e Turqisë është për një Maqedoni të fuqishme.
Yalçın, gjithashtu duke vënë në dukje se sindikata tashmë ka lënë pas 23 vite ai i ka dhuruar serinë e librave të Mehmet Akif İnan i cili është një nga personat themelues të sindikatës dhe ka kërkuar nga Ademi që ti shprehë përshëndetjet e tij ndaj fëmijëve,
– “Universiteti Ballkan ka një funksion të madh në transmetimin kulturor”-
Yalçın, gjithashtu ka vizituar edhe Universitetin Ndërkombëtarë Ballkanik ku dhe ka patur një takim me Rektorin Prof. Dr. Şinasi Gündüz ku ai ka theksuar se Universiteti i tyre është një projekt i Turqisë dhe tërhequr vëmendjen se Universiteti është i vetmi institucion i arsimit të lartë që nuk ka qëllime fitimi dhe se në këtë projekt ndërkombëtarë Presidenti turk, Recep Tayyip Erdoğan ka patur një kontribut të madh.
Gündüz, duke vënë në dukje se ndërtimi i godinave të kampusit universitar është ende në vazhdim ka theksuar se Universiteti nuk ka lidhje me asnjë bashkësi apo kompani private dhe se për këtë arsye është e rëndësishme ndihma dhe mbështetja e donatorëve.
Edhe Yalçın duke theksuar se ata janë të emocionuar që Universiteti do të ketë një kampus të madh u shpreh se: “Në transmetimin kulturor Universiteti Ballkanik ka një funksion të madh. Universitetet krahas TIKA-s, Instituteve “Yunus Emre”, Organizatat e punës e të shoqërisë civile në Turqi, duke u hapur në këto gjeografi duhet të kontribuojnë duke shtuar klimën e vëllazërisë”.
Yalçın gjithashtu ka vizituar edhe Institutin “Yunus Emre” ku ka marrë informacione rreth aktiviteteve nga Zv. Drejtori Fuat Korkmaz i cili i ka pohuar se instituti i tyre ndiqet edhe nga nxënësit turq në Maqedoni dhe se numri i nxënësve nga 45 që ka qenë në vitin 2008 ai tashmë është rritur në 3 mijë e 500.
