Maleski: Nuk rrëzohet ky regjim aq shpejtë

Ish ministri i jashtëm i Maqedonisë, Denko Maleski thotë se regjimi autoritar në Maqedoni duke vepruar kështu e sfidon fatin. Por sipas tij, ky sistem nuk mund të rrënohet përmes natës dhe nëse ai nuk i garanton partnerëve të jashtëm stabilitetin dhe rendin, sidomos ato do të duhet që të përballen me këtë gjë. Maleski flet në një intervisë për REL.

“Nuk mund që të pritje shumë nga këto bisedime, mendoj se ishte shumë naive që të mendohet se për 24 orë do të zgjidhet një çështje tejet serioze.
Kryetari Gligorov e kishte traditë që të thotë se Maqedonia është një formulë e përbërë. Dhe me të vërtet ne jemi një formulë e përbërë”, shprehet Maleski.