ILO: Në të gjithë botën ka 168 milionë fëmijë punëtorë

Organizata Ndërkombëtare e Punës (ILO), njoftoi se në të gjithë botën ka 168 milionë fëmijë punëtorë, raporton Anadolu Agency (AA)

Në një konferencë për shtyp të mbajtur në zyrën e OKB-së në Gjenevë, zyrtarja e ILO-së, Corinne Vargha, ka dhënë informacione në lidhje me raportin “Fëmijët Punëtorë në Botë 2015”

Vargha, ka tërhequr vëmendjen se në vendet me të ardhura të ulëta afërsisht 30 përqind e fëmijëve fillojnë punën në moshën 15 vjeçare dhe se në të gjithë botën ndodhen 120 milionë fëmijë të punësuar të cilët i përkasin grupmoshës 5 deri në 14 vjeç.

Ajo ka theksuar se 47.5 milionë fëmijë të moshës 15 deri në 17 vjeç punojnë në punë të rrezikshme dhe deklaroi se reduktimi në numrin e fëmijëve që punojnë nuk ndikon në këtë grupmoshë.

Ndërsa zyrtari i ILO-së, Azfar Khan theksoi se numri më i madh i fëmijëve të punësuar është me 78 milionë në rajonin e Azi-Paqësorit, ku ndiqet nga rajoni nën-Sahara e Afrikës me 59 milionë fëmijë punëtorë.

Khan ka theksuar gjithashtu se sektori i bujqësisë është sektori ku punësohen më së shumti fëmijët punëtorë.

Ndërsa Kailash Satyarthi, aktivisti indian për të drejtat e fëmijëve dhe fitues i Çmimit Nobel të Paqes theksoi se edhe pse në 20 vitet e fundit ka një reduktim në numrin e fëmijëve punëtorë dhe të pa-arsimuar, komuniteti ndërkombëtarë ka dështuar të përmbushë premtimet e dhëna në lidhje për mbrojtjen e fëmijëve.

Satyarthi, tha gjithashtu se: “Për mua të punësosh fëmijët dhe ti privosh nga arsimi është si të ushtrosh dhunë ndaj tyre dhe nuk mund të jetë e pranueshme që mbi 100 milionë fëmijë të jenë të përballur me dhunën”.

– “500 mijë fëmijë janë ushtarë”-

Satyarthi, i cili ka tërhequr vëmendjen se në të gjithë botën janë afërsisht 500 mijë fëmijë që përdoren si ushtarë nga grupet e militantëve, ka theksuar se në vendet si Siri, Irak, Afganistan, Nigeri fëmijët rrëmbehen nga shkollat dhe shtëpitë e tyre dhe detyrohen të vendosen nën përdorimin e armëve.

Sipas raportit të ILO-së numri i fëmijëve të punësuar për vitin 2010 ka qenë rreth 246 milionë, ndërsa tani në të gjithë botën parashikohet se janë 168 milionë fëmijë që punojnë.

Lajme të ngjashme

Back to top button