fbpx

Ademi vizitoi Fakultetin e Shkencave Islame në Shkup

Ministri i Arsimit dhe Shkencës Abdilaqim Ademi, sot  vizitoi Fakultetin e Shkencave Islame në Shkup ku realizoi takim me Kryetarin e Bashkësisë Fetare Islame, Reis ul Ulema ef. Sulejman Rexhepi  dhe udhëheqësin e fakultetit.

Ministri Ademi pas takimit deklaroi se Fakulteti i Shkencave Islame ka marrë akreditimin e përhershëm për programet mësimore, dhe gjithashtu MASH i ka ndarë ndihmë financiare në vlerë prej gjashtëdhjetë e pesë mijë  euro.

“Kisha nderim të vizitoj FSHI në Shkup, Institucion ky i Arsimt të lartë tash më i akredituar dhe me leje të përhershme pune. Njoftova kryetarin e BFI-së dhe udhëheqësin e Fakultetit me vendimin e MASH për të ndihmuar financiarisht këtë fakultet, me c’rast, janë ndarë  65 mijë euro dhe ky financim ndodhë për herë të parë dhe shpresoj se do të jetë i përhershëm. Kemi biseduar edhe për kompletimin e të gjitha cikleve studimore dhe shpejt pritet që të akreditohet edhe cikli i dytë, kurse në të ardhmen edhe cikli i tretë i studimeve dhe ky Institucion të bëhet qendër prej ku do të dalin kuadrot e ardhshëm dhe të mos ketë nevojë për studime jasht vendit. Me aktin e akreditimit, lejes së përhershme për punë dhe finansimin ne vlerësojmë punën e deritanishme të institucioneve të arsimit në kuadër të BIM dhe vendosim në pozicione të barabarta me institucionet e Bashkësive tjera fetare në vend”, tha ai.

Ky fakultet, shtoi më tej Ademi, nxjerr  teologë, të cilët më vonë inkuadrohen në procesin arsimor në Republikën e Maqedonisë, si dhe në shkollat fetare që janë nën kompetencat e Bashkësisë Fetare Islame.

Fakulteti i Shkencave Islame është themeluar nga Bashkësia Fetare Islame, mirëpo gjatë veprimtarisë së tij fakulteti do të udhëhiqet nga Ligji për Arsimin e lartë dhe Ligji për Bashkësitë fetare, shtoi Ademi.

Kryetari BFI, Reis el Ulema  ef. Rexhepi duke Ju falënderuar Ministrisë  së Arsimit dhe Shkencës për ndihmën financiare dhe mbështetjen tjetër që jep ministria, tha se ky institucion i lartë arsimorë do të nxjerrë kuadro i cili do të kontribuojë në interpretimin autentik të  fesë Islame të cilët  do të inkuadrohen në BFI dhe në institucionet tjera arsimore.

Tags

Lajme të ngjashme

Back to top button
Close