Forca e femrës

Kohëve të fundit po më tërheqin vëmendjen qëndrimet e disa “intelektualeve” shqiptare të cilat pandërprerë po bëjnë apel nëpër rrjetet sociale që femra ka një forcë  të madhe , që femra asnjëherë nuk duhet ulur kokën , “vëndo make-up dhe vazhdo kokë ngritur”, dhe vazhdimisht po na rikujtojnë që jemi shekulli XXI . Po vallë cilat janë këto femra ?

Një femër e cila mendon qe s’ka gjë mbi te , femër e cila është e gatshme të thot e të prish gjithçka , të  shkel mbi lloj-lloj rruge që të arrin qëllimin a nuk do thotë që femra ka forcë të madhe , a s’do del gjysmë e zhveshur që e gjithë vëmendja të jetë e ngulitur mbi te ? Mjerim, këto kanë humbur rrugën, s’ka më gjë qe i udhëzon por në qoftë se ju ka ngelur edhe një grimcë ndërgjegje mos ta përhapin mendimin e tyre të prishur, ngaqë filluan të bëhen aq me ndikim saqë rinia filloi tu a ketë lakminë.

Ne si shoqëri shqiptare e këtij shteti kemi nevojë të kthejmë fizionominë e humbur kombëtare e fetare pa të cilën po e shohim që jemi një hiq. “Humbi xhelozia e burrave shqiptar, bëri vetëvrasje turpi tek femrat”. Po gjykoj me syrin e një femre , i cili filloi të loton nga pamja e tmerrshme që po sheh çdo ditë nëpër rrugë e lagje ku ka shumicë shqiptare (myslimane) , se sot po vishen 3 mbesa nga një rrobë e gjyshes së tyre , moto e morën ” të jemi në hap me kohën ” e kjo kohë po i imponon të humbin turpin, po i shtyn qe femrat shqiptare te mbushin klubet e natës , erdhi koha kur nënat sllave po u thonë bijave “vendoni kryqin në qafë , të ju dallojmë nga shqiptaret”.

Eh o populli im në çfarë niveli e ulëm veten , po te mundej ndonjë nga të parët tanë nga varri të ngritej  të na shihte modernizimin tonë , do verbohej që të mos sheh , do shurdhohej që të mos dëgjon ngaqë shqiptaria duke u munduar të imiton perëndimin , humbi rrugën dhe filloj ti përngjan Nasradinit i cili i hipur mbi gomar pyeste “Gomarin ku e kam”?!
Të kthehemi te forca e femrës, grua si krijesa më e bukur , më e butë , më emocionale patjetër që ka forcë të madhe , ajo ka forcë të ndryshon ardhmërinë nëpërmjet edukimit të fëmijëve , ka forcë të mban gjithë përgjegjësit e shtëpisë mbi supet e saja, pra ajo ka fuqi të mjaftueshme që  të përmisojë botën .

Të duash diçka do të thotë së pushuari krahasimit – tha një X shkrimtar , mirëpo unë aspak nuk pajtohem sepse një njeri me mendje të shëndoshë duhet të krahason shumë dhe në fund të vendos për vete atë që është më e mirë , e parashtrohet pyetja më mirë është të jesh mbretëresha e familjes tënde , shembull e nderit , durimit dhe devotshmërisë për fëmijët e tu apo të kesh forcë të fituar në mënyra të fëlliqura , të kesh respekt para syve dhe mijëra të shara pasi të kthehesh, a do doje ta kesh atë fuqi nga e cila do fitoje famë , pasuri por jo dhe dashuri , jepi përgjigje vetes tënde? A do që edhe sot Allahu ti thotë Xhibrilit “O Xhibril unë nuk e dua këtë rob as ti mos e duaj”, a do që banorët e qiellit të urrejnë e më pas kjo urrejtje të zbret edhe në tokë , se besoj që e do këtë lloj fuqie , andaj ndaloje së mbështeturi moton “vëndo make-up dhe vazhdo kokë ngritur” ngaqë kjo moto do ti hap dyert e ferrit e ti do futesh aty kokulur .

“E gjithë bota shihte bukurinë e gruas dhe trupin e saj , Islami e ndryshoi këtë koncept duke sjell etikën e vet të veçantë , e cila thekson se kulmi i bukurisë së gruas qëndron te morali dhe dinjiteti i saj “- e ky argument qartë na dëshmon se ti që e quajte veten femër ,duhet të kujdesesh për moralin tënd ta ngritësh çdo ditë e më shumë , por nëse je e verbër dhe nuk sheh realitetin atëherë vazhdo me mendimin tënd të prishur që të kesh fustanin më të mirë , taket më të larta e çantën më të shtrenjtë edhe pse shumë mirë e di qe ato nuk ta japin titullin Njeri .
Çdo civilizim i cili harron fenë e tij bëhet rob i një civilizimi tjetër, çdo popull që harron arsyet e formimit fillon të udhëhiqet nga një popull tjetër. Ky gjak që po qarkullon në venat tona ka për qellim  të na mban gjallë , e gjaku i shqiptarit kurrë nuk ka pas qellim tjetër përpos se të ruan nderin e të mban besën.
O Grua ti ke forcë dhe ti e di këtë por e di në mënyrën e gabuar , e nëse ende nuk e ke të qartë , kthehu dhe kontrolloje veten , pendohu qe më vonë të mos thuash : “Mos më shkel në kujtime , të lutem , kam dhimbje ” , por te kaluarën tënde tua rrëfesh mbesave e nipërve si një përrallë të këndshme , me personazh kryesor një grua e ndershme , e moralshme , qe ka përdorur fuqinë e saj në mënyrën e duhur , rrëfeju atyre qe personazhi kryesor i kësaj përralle je ti , je ti e cila ke kaluar jetën tende si mbretëreshë, duke adhuruar Allahun  e duke edukuar fëmijët e tu .
A nuk do jetë për ta me e këndshme për ata të dëgjonin këtë , në vend se të dëgjojnë jetën e gjyshes së tyre si një aventurë e dhimbshme me përfundim në fëlliqësirë ,  e pse ? Hëh , sepse ka  dashur qe të shijon të mirat mashtruese të këtij udhëtimi !
Mora guximin që nëpërmjet këtyre vargjeve tua tërheq vëmendjen këtyre që po bëjnë apel të ecim me modën , tu përngjajmë evropianeve , por po harrojnë që ne duhet të jemi vet origjinaliteti , se botës nuk i duhen kopje të zymta por i duhet një origjinale .