Nora apo Adelina, kush kopjon kë?

Rastet kut personazhet e njohur publike të veshin nëpër evente të ndryshme të njëjtat veshje ndodhin shpesh, aq sa shpesh vihen edhe në qendër të mediave. Këtë herë dy personazhet e veshur njëlloj janë dy këngëtaret kosovare Nora Istrefi dhe Adelina Tahiri, të cilat për realizimin e klipeve të tyre kanë zgjedhur një veshje identike, të njëjtat rroba banje. Madje Nora, me këtë veshje ka bërë edhe një set fotosh pak para lindjes së vajzës.

“Bone sikur n’dasëm” është kënga e re e Adelinës, e cila është publikuar në fund të muajit prill, ndërsa videoklipi i Nora Istrefit “Bamboleo” është hedhur në tregun muzikor vetëm në fillim të kësaj jave. Meqë Nora Istrefi sapo është bërë nëna e një vajze, mendohet se klipi është realizuar para periudhës së shtatzënisë, kështu që për pyetjen “kush kopjon kë” është e vështirë të jepet një përgjigje.