FRI ndau çmimin IKRE për semimaturantët më të mirë të Tetovës
Për 11 vite më rradhë Forumi Rinor Islam në Tetovë organizoi manifestimin e shpalljes së semimaturantëve më të mirë në Tetovë dhe rrethinë nën moton “Të nxisim dijen, të investojmë për ardhmërinë”.
Manifestimi u mbajt në sallën e Komunës së Tetovës ku të pranishëm ishin një numër i madh nxënësish, prindërit e tyre, drejtorë shkollash, kryetarë komunash, udhëheqës institucionesh komunale si dhe aktivistë të shumtë të FRI-së.
Në fillimi ishin fjalimet e të pranishëmeve të cilët folën për rëndësinë e mbajtjes së këtij aktiviteti. Fjalë rasti mbajti kryetari i FRI-së Fevzi Musliu i cili theksoi rëndësisne dhe intencën pse pikërisht FRI në qytetin e dijes nisi këtë organizim vitë më parë Forumi rinor Islam. Pjesë e këtyre fjalimeve përshëndetëse ishin edhe ata që udhëheqin me institucionet e Tetovës dhe komunave përreth. Kësisoji, për prakrahjen që FRI ua jep nxënësve dhe duke inkurajuar këtë institucion që të vazhdojë në rrugën e trasuar, folën Ahmed Qazimi, përgjegjës për veprimtari publike në Komunës e Tetovës dhe Isen Asani, kryetar i komunës së Tearcës, ndërkaq në fund fjalim përshndetës pati edhe nikoqiri i këtij aktiviteti Fisnik Shabani kryetar i degës së FRI-së në Tetovë i cili falenderoi drejtorët e shkollave për bashkëpunim korrekt me FRI në realizimin e këtij aktiviteti.
Pjesë e këtij manifestimi ishte edhe programi artisitik i përgatitur nga nxënësit që ishin pjesë e projektit “Talentium”, me çrast u shfaqën Rita Behadin me poezinë “Fjalët e Qirit” si dhe Valmira Jusufi me poezinë “Buzëqesh”. Pjesë e këtij programi ishte edhe dokumentari me titull “Fat apo zgjedhje”.
Çmimin “Ikre” e fituan 25 nxënës të shkollave fillore të Tetovës dhe komunave për rreth, ku çdo shkollë nga ana e kolegiumit të arsimtarëve dhe drejtoritë përkatëse e kanë zgjedhur semimaturantin më të mirë të shkollës së tyre.
Në fund FRI ndau edhe mirënjohje për përkrahësit e këtij aktiviteti, Qendra “Fluent” e cila ofroi kurse verore për semimaturantët më të mirë dhe nga një pako me libra të siguruara nga “Furkan ISM” nga Shkupi.
