Mot me diell dhe i ngrohtë
Moti në Maqedoni do të jetë me diell dhe i ngrohtë. Gjatë ditës do të ketë vranësira të vogla lokale deri në mesatare, ndërsa do të vazhdojë të fryjë erë e dobët deri në mesatare nga drejtimi verilindor. Temperatura e mëngjesit do të lëvizë prej pesë deri në 14 gradë Celsius, ndërsa ajo e ditës prej 25 deri në 33 gradë Celsius.
Në Shkup moti do të jetë me diell dhe ngrohtë me vranësirë të vogël deri në mesatare. Temperatura e mëngjesit do të ulet deri në 11 gradë Celsius, ndërsa ajo e ditës do të rritet deri në 31 gradë Celsius. Indeksi i UV do të arrijë 8.
Të enjten dhe të premten do të ketë rritje të vranësirave dhe rënie të temperaturave. Do të ketë të reshura të përkohshme lokale të shiut, vendevende veçanërisht në orët e pasdites të reshurat do të jenë më të rëmbyeshme të ndjekura me bubullima dhe erë të përforcuar.