Argjentina Ramosaj bën gati dhuratën e parë për beben (FOTO)

Kanë mbetur vetëm pak ditë nga ardhja në jetë e fëmijës së tyre të parë dhe çifti Argjentina Ramosaj dhe Dukagjin Fetahu po gëzojnë çdo moment nga kjo pritje. Këngëtarja dhe bashkëshorti i saj, shoqëruar nga familjarë, miq e të afërm, kanë organizuar së fundi një festë pritjeje për beben që pritet të vijë shumë shpejt në jetë.

E menduar me dy ngjyrat simbolike të një vogëlushi, e kaltër dhe e bardhë, në këtëbaby shower, çdo detaj i ëmbël vjen si dhuratë e parë për të voglin, ndaj këtë përjetim unik të jetës së tyre, këngëtarja dhe Dukagjini kanë vendosur ta fiksojnë si një kujtim të bukur pak para ardhjes në jetë të djalit. Në harmoni të plotë me ngjyrat e festës, edhe Argjentina ka zgjedhur të veshë me këtë rast një fustan bojëqielli, duke celebruar kështu edhe gjininë e fëmijës. Siç ka deklaruar edhe më herët në media, për Argjentinën, kjo periudhë ka qenë e pazëvendësueshme, meqënëse mezi po pret ta mbajë në krahë djalin e saj.

Në setin e këtyre fotove, një pjesë të të cilave këngëtarja i ka ndarë edhe me miqtë në rrjetet sociale, nuk është aspak e vështirë të kuptosh lumturinë dhe magjinë e këtij momenti. Përmes fotove, Argjentina ka falënderuar për këtë festë të gjithë miqtë dhe të afërmit. Disa nga dhuratat e bebes, shoqëruar edhe me aksesorët, çifti i ka siguruar tashmë. Mbetet të vijë shpejt “zotëruesi”.

Lajme të ngjashme

Back to top button