fbpx

Referët më të mirë për Gostivarin dhe Makedonija Gj.P

Duelet më interesante të së shtunës do të luhen në Shkup, ku Gostivari dhe Makedonija Gj.P., do të vendosin në javën e fundit se kush do të jetë udhëtari i fundit që do të sigurojë balotazhin për ndeshjen e radhës që më pas i jep mundësinë të luajë për një vend në Ligën e Parë.
Pikërisht FFM ka vendosur që këto duele drejtësinë ta ndajnë dy referat më të mirë në futbollin e Maqedonisë, Aleksandar Stavrev dhe Dejan Jakimovski.

Stavrev është i deleguar për ndeshjen në mes “Skopjes” dhe Makedonija Gj.P., ndërsa Jakimovski i cili referoi finalen e Kupës së Maqedonisë, do të ndajë drejtësinë në duelin Euromilku – Gostivari.
Këto dy duele vendosin për pozitën e tretë e cila mundëson ndeshjen e balotazhit. Gostivari në javën e fundit futet me dy pikë epërsi ndaj Makedonija Gj.P., ndërsa ekipi që do të fitojë pozitën e tretë do të luajë ndeshjen e balotazhit me Horizont Turnovën e Ligës së Parë. Tani më është e sigurt se anëtar të ri të Ligës së Dytë, janë Pelisteri dhe Teteksi.

Në javën e fundit të Ligës së Dytë në ndeshjet tjera do të takohen, Vëllazërimi – Napredoku, Drita – Kozhufi, ndërsa duel interesant do të luhet edhe në Çair, ku takohen dy anëtarët e ri të Ligës së Parë, Shkupi dhe Mlladosti. Të gjitha ndeshjet fillojnë në orën 16:30.

Në konkurëncën e Ligës së Parë në program janë ndeshjet e play-offit, ku takohen Shkëndija – Metalurgu, Renova – Rabotniçki dhe Sileksi – Vardari. Në javën e parafundit të play-out-it, takohen Pelisteri – Teteksi dhe H.Turnova – Bregallnica. / Portalb /

Tags

Lajme të ngjashme

Back to top button
Close