Përdoruesit e Android po kalojnë në iPhone 6

Apple iPhone 6 dhe 6 Plus kanë qenë telefonat e mençur më të popullarizuar të kompanisë amerikane deri më sot dhe sipas një raporti të ri nga Kantar Worldpanel thuhet se pikërisht këto modele kanë bërë që edhe përdoruesit e Android të kalojnë në Apple.

Të paktën ky trend është duke u zhvilluar në Evropë.

Sipas raportit, në tremujorin e parë të 2015 rreth 32.4% e konsumatorëve të rinj të iPhone 6 dhe 6 Plus kaluan në Apple nga Android, duke i zgjedhur modelet e reja të iPhone me ekrane më të mëdha.

Raporti gjithashtu thotë se pjesa e tregut të Android ka rënë në Evropë me rreth 3.1 për qind krahasuar me vitin e kaluar, kur pjesa e Apple u rrit me rreth 1.5 për qind. (Telegrafi).