fbpx

Bajrush Mjaku do të mbrohet në Aleksandri

Pas sukseseve të shumta të Teatrit të një aktori dhe Bajrush Mjakut në festivale të ndryshme në botë (Stokholm, Suedi; Ulanbator, Mongoli; Kishinjev, Moldavi dhe shumë të tjera) me shfaqjen “Mbrojtja e Sokratit”, pason prezantim në një nga qendrat botërore kulturore – Aleksandri, Egjipt. Në Aleksandri këtë vit prej datës 2 deri 7 Maj do të mbahet edicioni i parë i festivalit ndërkombëtar të teatrit bashkëkohor në organizim të Bibliotekës të Aleksandrisë. Një nga qëllimet e festivalit është të promovohet shkëmbimi kulturor dhe lidhja mes pjesëmarrësve përmes pjesëmarrjes së shfaqjeve të ndryshme bashkëkohore nga e gjithë bota.
Në kërkesë të organizatorëve të festivalit dhe me ftesë të tyren, shfaqja “Mbrojtja e Sokratit” do të luhet më 6 Maj me fillim në ora 19 në skenën e vogël, kurse menjëherë pas shfaqjes do të luhet “Hamleti” nga Mbretëria e bashkuar. Tjerat shfaqje janë nga vende më të ndryshme të botës dhe atë: Bahrejn, Egjipt, Francë, Portugali, Irak, Tunizi, Serbi dhe Belgjikë. Prej kësaj mund të vërehet se përmes “Mbrojtjes së Sokratit” kultura teatrore e Maqedonisë prezantohet krah për krah me gjithë qendrat kulturore botërore duke mos ngecur aspak në kontekst të teatrit bashkëkohor.
Pjesëmarrja në këtë festival dhe prezantimi i Teatrit të një aktori, e njëkohësisht edhe të kulturës teatrore të Maqedonisë në një eveniment të këtillë të rëndësishëm teatror është mundësuar nga ana e Ministrisë për kulturë në RM dhe Komuna Çair.
Shfaqja “Mbrojtja e Sokratit” sipas tekstit të Platonit, në regji të Dritëro Kasapit dhe Dino Mustafq, premierën e vet e kishte më 22.02.2012. Në shfaqje krahas Bajrush Mjakut luajnë edhe  Besfort Idrizi dhe Ibrahim Xhemaili. Skenografia është e Krste Xhidrov, kurse kostumet të Bllagoja Micevski.
11150466_10205390679037863_6185582149965463802_n

Lajme të ngjashme

Back to top button