Seanca pa gjuhën shqipe, BDI nuk merr pjesë

Asnjë nga deputetët e BDI-së nuk ishin të pranishëm në vazhdimin e sotëm të seancës së komisionit për politikë të jashtme, e cila u shty një javë më parë nga vetë deputetët e BDI-së për shkak të mungesës së materialeve në gjuhën shqipe.

Nuk dihet nëse materialet sot ishin dorëzuar të përkthyera edhe në gjuhën shqipe ose jo, ndërsa anëtarët e komisionit nga radhët e VMRO DPMNE-së dhe partnerëve të tyre nga partitë më të vogla maqedonase miratuan ratifikimet e 4 marrëveshjeve që Qeveria ka nënshkruar me Vietnamin, Turqinë, Kroacinë dhe me Italinë.