“Megjashi” reagon ndaj kërcënimeve dhe presionit që ju bëhen nxënëse që bojkotojnë mësimin

Ambasada për fëmijë “Megjashi” reagon ashpër ndaj kërcënimeve dhe presionit ndaj nxënësve të shkollave të mesme të cilët katër ditë e bojkotojnë mësimin.

“Edhe pse disa herë kemi reaguar lidhur me problemet me të cilat ballafaqohen nxënësit gjatë artikulimit të kërkesave të tyre, tek ne vazhdimisht arrijnë ankesa anonime nga ana e qytetarëve dhe prindërve që na informojnë për shkeljen e të drejtave të fëmijëve. Duam edhe njëherë të informojmë se me kujdes po ndjekim ngjarjet e fundit me nxënësit e shkollave të mesme dhe mënyrën e tyre të veprimit. Duam t’ju urojmë për mënyrën, kreativitetin, motivimin, guximin, përkushtimin, dhe mënyrës së padhunshme për të kundërshtuar miratimin e vendimeve për politika që i prekin nxënësit”, thonë nga Megjashi.

Ata i dënojnë mbylljen e dyerve të shkollave dhe kërcënimet ndaj nxënësve dhe prindërve të cilët bojkotojnë mësimin.