fbpx

Përgjigje perfekte për “trupin perfekt” të “Victoria’s Secret”!

“Trupi perfekt? Është ai me të gjitha format dhe të gjitha madhësitë…” Ky është slogani me të cilin “Curvy Kate” ka prezantuar fushatën e re me veshje të brendshme, por jo pa qëllim. Reagimet e ashpra që shkaktoi “Victoria’s Secret” me sloganin e ri “Trupi perfekt”, ilustruar me një grup modelesh mjaft të dobëta, vitin e kaluar, ka sjellë reagimin e radhës. Një firmë e ngjashme të brendshmesh, “Curvy Kate”, e risolli imazhin e “Victroria’s Secret” me të njëjtin slogan, duke e ilustruar me femra të të gjitha përmasave, transmeton Revista Class.

Sipas faqes britanike dailymail.com, kjo është një goditje tjetër që vjen për “Victoria’s Secret”, e cila edhe pse e ndryshoi sloganin vetëm disa ditë më vonë pas zhurmës së krijuar, nuk i pengoi linjat e ngjashme të ironizonin dhe të talleshin me sloganin e saj.

Më tepër se 27 mijë persona nënshkruan një peticion të iniciuar nga tri studente, që firma e njohur e të brendshmeve të kërkonte ndjesë, pasi në këtë mënyrë fyente femrat, të cilat nuk janë me përmasat e modeleve e modeleve të tyre. Fushata e re nga linja “Curvy Kate” ka për qëllim të zhdukë imazhin famëkeq të krijuar nga “Victroria’s Secret” dhe të rikrijojë imazhin e trupit perfekt të të gjitha përmasave dhe madhësive.

Lajme të ngjashme

Back to top button