Bomba 18: Sikletet e Gruevskit dhe VMRO-së për Ligjin e amnestimit të ushtarëve të UÇK (VIDEO)

Redaksia Portalb 11:06, 06-04-2015

Lideri i Lidhjes Social Demokrate të Maqedonisë Zoran Zaev, publikoi bombën e 18-të me radhë.

Bomba e radhës ka të bëjë me kryeministrin e Nikolla Gruevski. Ai sipas Zaevit, u dëshmua se është manipulues, vjedhës dhe kriminel.

Si u arrit marrëveshja mes Gruevskit dhe partisë së tij me Ahmetin dhe BDI do të dëgjojmë nga bisedat e Gruevskit.

Edhe pse Gruevski mohonte se ka bërë pazare me BDI ai si që zbulojnë bisedat, personalisht ka marrë pjesë në biseda. Ai më tej ia ka hedhur fajin dhe përgjegjësinë deputetëve dhe ministrave të VMRO.

Në bisedën mes Gruevskit dhe deputetes Silvana Boneva dëgjohet si Gruevski e urdhëron si të zbatojë planin e funksionimit: miratimin e Ligjit për amnisti të ish ushtarëve të UÇK-së.

Gruevski pranon se tani VMRO do e ketë më vështirë për këtë amnisti por duhet të durojnë.

Gruevski tallet dhe qesh me BDI duke thënë se pas Republikës së Krushevës shqiptarët marrin ministrinë e mbrojtjes.

Në bisedën mes ministres së brendshme Gordana Jankullovska dhe ministrit Zoran Stavreski shihet që as ajo as ai nuk janë të kënaqur me këtë që amnistohen ish ushtarët e UÇK.

Jankullovska madje pranon se dy ditë nuk ka fjetur nga ankthi.

Jankullovska urdhëron që propozimi për këtë Ligj të shkruhet në mënyrë të paqartë që “të kalojë” sa më shpejtë.

Në bisedën ne sekretarin shtetëror Kiril Bozhinovski ajo thotë që edhe pse ministrat nuk dëshirojnë të nënshkruajnë megjithatë kjo punë duhet kryer.

Kryeparlamentari Trajko Veljanovski dhe Jankullovska quajnë deputetët shqiptar “indianë”.

Në bisedë me Zoran Stavreskin ai dhe Jankullovska tregojnë planet si të ikin mos të votojnë Ligjet që u shkojnë për dore BDI-së.

Le të votojnë deputetët thonë të dy derisa Gruevski dhe Peshevski flladiten në Greqi.

Gruevski i nervozuar urdhëron sekretareshën tu paraqitet deputetëve të shkojnë ta votojnë Ligjin për amnisti përndryshe mos të shkojnë më.

Stavreski e bind Jankullovskën të shkojnë ta votojnë ligjin. Ai mes tjerash thotë “më mirë të shkojmë mos të mendojnë njerëzit se bëjmë ne dy diçka tjetër”.