Kush është Haim Hakeini, personi që komunikon me Mijallkovin?
Ministria e mbrojtjes e Izraelit nuk përgjigjet në pyetjen kur është dhënë donacioni për policinë special që Ministria e punëve të Brendshme të Maqedonisë e ka marr në vitin 2011. Zëdhënësi i ministrisë së izraelit në bisedën telefonike për Telma tha se do të përgjigjet me shkrim se për çfarë pajisje bëhet fjalë, sa kushton dhe kur është dhënë ky donacion.
Emri Haim Hakeini nuk është në listën e të punësuarve në ministrinë e mbrojtjes të izraelit. Burime nga Telma thonë se është e mundur që Hakeini të jetë pronarë ose të jetë i punësuar në ndonjë kompani e cila merret me shitjen e sistemeve për përgjim. Këta njerëz në të shumtën e rasteve janë ish të punësuar të Mosadit apo në qeverinë izraelite dhe është e mundur që të ketë pasaportë me identitet të rrejshëm.
Ekspertët për Telma thonë se Ministria e mbrojtjes apo Qeveria Izraelite mund të jep donacione me para në kesh, por asnjëherë nuk mund që ato të transferohen në llogari private por në llogarinë zyrtare të MPB-së nëpërmjet Bankës Popullore të Republikës së Maqedonisë.
Ministria e Punëve të Brendshme i demanton këto pohime the sqaron se bëhet fjalë për donacion, dhe jo për marrëveshje për provizion.
Nga drejtoria për polici financiare thonë se marrëveshja për donacion është klasifikuar si “Fshehtësi shtetërore” dhe policia financiare nuk ka dhe nuk guxon të ketë të dhëna.
Izraeli është shteti me numër më të madh të kompanive që bëjnë shitjen e pajisjeve për forcat e sigurisë dhe pajisjeve për përgjim. Këto kompani për të punuar duhet të kenë licencë nga Ministria e Mbrojtjes së Izraelit. Pasi që konkurrenca është e madhe në këto kompani, ato shpesh blerësve ju japin edhe provizione të larta vetëm që të blihet pajisje nga ato.
