Gjykata Penale Ndërkombëtare nis hetimet për krimet e luftës në Gaza

Kryenegociatori i Organizatës Çlirimtare të Palestinës, Saeb Erekat njoftoi se Gjykata Penale Ndërkombëtare (ICC) ka hapur një hetim fillestar mbi vendbanimet izraelite dhe krimet e luftës të kryera në Rripin e Gazës.

“Me nënshkrimin e Statutit të Romës,” ne kemi përfunduar tashmë hapin e parë.” Hetimi aktual, shtoi Erekat, do të fillojë kur Palestinë aderon në ICC plotësisht më 1 prill.

Erekat vuri në dukje se statusi i Palestinës në OKB, si shtet nën pushtimin, është një status i ngjashëm me atë të Francës dhe Belgjikës nën pushtimin gjerman gjatë Luftës së Dytë Botërore.

“Ky status na kualifikon që të bashkohemi me 523 konventa ndërkombëtare, protokolle dhe organizata,” theksoi ai. “Ne kemi te drejtat tona.”

Ai vuri theksin në faktin se organet e caktuara në zonën ndërkombëtare, “duke përfshirë Shtetet e Bashkuara”, kanë qenë duke u përpjekur për të parandaluar Palestinën nga përdorimi i ICC-së si një mjet për të arritur drejtësinë.

Erekat tha se ata janë duke përgatitur të gjitha dosjet e nevojshme në lidhje me vendbanimet izraelite dhe ofensivën kundër Gazës.

“Kjo do të thotë se ne kemi fotografi dhe fakte në lidhje me krimet e tjera”, tha ai. “Konfiskimi i tokës nga ana e Izraelit, rrënimi i shtëpive, vrasja, dëbimi dhe ndalimi janë të gjitha krimet e tjera.” /Mesazhi/