Flet babai që humbi tërë familjen (Video)
Njeriu që ka humbur tërë familjen nga zjarri në një shtëpi në qytetin Leicester të Anglisë foli sot për humbjen e tij.
Dr. Muhamed Al Taufik Sattar ndër të tjera tha: “Mua më mungon thellë gruaja ime e bukur dhe tre fëmijët e bukur.”
“Çfarë ka ndodhur nuk mund të kthehet mbrapa, por shpresoj se drejtësia të mbizotërojë dhe kjo mos të ndodhë kurrë ndonjë familjeje në Mbretërinë e Bashkuar.”
Ai shtoi se policia i kishte dhënë mbështetje të madhe. Ndërsa për mbështetjen nga populli vendas ai tha se pas humbjes së familjes i tërë komuniteti tanimë është familja e tij.
Hetimet në lidhje me rastin në fjalë ende po vazhdojnë dhe ende nuk ka ndonjë qëndrim zyrtar nga organet kompetente në lidhje me rastin ku vdiqën nëna Shehnila Taufiq, vajza e saj Zejneb (19), dhe dy djemtë e saj Bilal (17) dhe Jamal (15). /mesazhi/
