I kthjellur nga një gënjeshtër
I dalldisur, shqisat nuk më shërbenin besueshëm.
Isha i dehur nga emocionet që gjeta,
por dhe i habitur që kuptova se në të vërtetë vet i kisha kërkuar vazhdimisht.
Mbase nuk e pranoja,
por u bëra i varur nga dashuria dhe joshjet e saja ngashënjyese.
Sa shumë e lakmoja vëmendjen që ma kushtonte,
lajkat dhe përkëdheljet.
Isha i rrëmbyer nga dashuria që më dhuronte
dhe halucinacionet që më shkaktonte.
Ishte pastër një mrekulli.
Ndodhi pastaj, që objekti i adhurimit tim,
me gënjeshtra prishi magjinë që ma dhuronte.
Kuptova që tradhtia rëndon dhe hijeson gjithçka,
edhe dashurinë më të ndritshme.
Ndërkohë që nuk e shoh më me sytë e dikurshëm,
ndonjëherë e vështroj si një të panjohur.
Vetëm pasioni i zjarrtë që ende e ndjej për të
si vegim ma përkujton të kaluarën.
Kështu mbërrita në fund të dalldisjes – zhvlerësim i plotë i dashurisë.
Tani vetëm ndjej pasojat e gënjeshtrës.
U kthjella
(Fragmente)