De Biasi: Duhet të korrigjojmë gabimet. Mavraj: Ende nuk kemi arritur asgjë
Pas fitores, trajneri i kombëtares Gianni De Biasi në mikrofonin e ‘Supersport’, theksoi se fitorja është e rëndësishme, por nuk duhen harruar as gabimet e skuadrës.
“E dija që Armenia ishte një skuadër e fortë dhe që luan ngjeshur. Janë edhe cinikë, pasi në rastin e parë që patën, shënuan.”
“Duhet të punojmë për të korrigjuar gabimet që bëmë në këtë ndeshje dhe duhet të marrim gjërat e mira që treguam”, tha De Biasi pas fitores.
Ndërkohë, Mërgim Mavraj, autori i golit të barazimit, u mundua të ndalë euforinë.
“Akoma nuk kemi arritur asgjë. Jemi ende larg objektivit. Shpresoj që të vazhdojmë rritjen, pasi kemi shumë lojtarë të rinj në skuadër”, tha qendërmbrojtësi i kombëtares.
