LG G4 vjen në fund të muajit prill
Telefoni i ri i LG-së, LG G4, raportohet se do të lansohet në fund të muajit prill.
Pas shumë spekulimeve për të dhe specifikat e telefonit të ri, raportohet se kompania është gati për ta lansuar zyrtarisht në treg, transmeton Koha.
Spekulimet për telefonin e ri vijnë pas publikimit të disa fotografive.
Vitin e kaluar, G3 ishte shpalosur në maj dhe ishte lansuar në qershor, andaj nuk pritej që kompania ta lëshonte këtë telefon më herët se muaji maj, por lansimit i dy telefonave të rinj të Samsungut ka ndryshuar planet e LG-së. Ajo do që t’i përgjigjet sa më shpejt kompanisë koreane.
Sa i përket specifikave, LG G4 pritet të vijë me ekran 5-inç sikurse paraardhësi dhe me ekran të lakuar.
Analistët thonë se LG do të shesë 15 milionë njësi të telefonit të ri dhe do të jetë rival i Samsung S6 dhe iPhone të ri.