Burgjet, MPB dhe Qendrat sociale shkelin të drejtat e njeriut

Avokati i Popull, Ixhet Memeti në raportin e vitit 2014 publikoi shkelje të rënda edhe në vendet e privimit nga liria, ku sipas tij në ven se të përmirësohen kushtet dhe gjendja e burgjeve, gjatë vitit  2014 u konstatua gjendje akoma më të këqija.

“Me shqetësim konstatoj menaxhim jopërkatës dhe joprofesional nga ana e organeve udhëheqëse dhe shërbimeve, e që krijon situata konfliktuoze të cilat rrezikojnë sigurinë e personave të burgosur. Gjithashtu nuk sigurohet mbrojtje shëndetësore adekuate për personat e paraburgosur dhe të dënuar nga ana e institucioneve publike shëndetësore, kurse gjendja në EEK Tetovë është alarmante në  çdo aspekt”, theksoi Memeti.

Në këtë raport gjithashtu u konstatua edhe veprim jo në kohë dhe joefikas i nënpunësve policor sipas denoncimeve të qytetarëve për mbrojtjen e jetës sigurisë dhe pronës së tyre.

“Vazhdon praktika e dërgimit të përgjigjeve jothelbësore nga MPB, sa i përket mos zbatimit të autorizimeve policore dhe tejkalimit të tyre, e që le hapësirë për dyshim në objektivitetin e veprimit policor”, theksoi Memeti.

Gjithashtu sipas kij raporti, vazhdon pakënaqësia nga sjellja dhe mënyra e vendimmarrjes së qendrave për punë sociale si dhe pagimi jo në kohë i kompensimeve në para e që rrezikon sigurinë sociale të qytetarëve.

Ndërkaq në vitin raportues, Avokati i Popullit veproi sipas 4.995 parashtresave, nga të cilat në periudhën raportuese u pranuan 4249 nga 4331 parashtrues dhe 746 u bartën nga viti paraprak. Numri i lëndëve është rritur për rreth 400 raste për një vit.

Si përfundim janë përmbledhur 1270 cënime të konstatuara, 1186 të përfunduara dhe 92 në punë.