Parashikim: Inter – Juventus

Elida Zylbeari 11:51, 13-09-2013

Më shumë se një përballje e skuadrave në krye të tabelës . . .

Dita: 14 Shtator,2013
Ora: 18:00
Vendi: Giuseppe Meazza, Milan
Gara : Serie A

Pas një sezoni katastrofik ku përfundoi në pozitën e nëntë, Interi ka befasuar në fillim të sezonit duke mos pranuar asnjë gol të vetëm . Sezonin e filluan me fitore duke mposhtur Genoa’n dhe Catania’n, por tani Interin e pret një sfidë e vështirë me kampionin e Serie A.

Java e tretë e Serie A duket tejet emocionuese pasi do të shohim Derby d’Italia të luhet në San Siro.

Të dy ekipet fituan nga 2 ndeshje të para të sezonit dhe po ashtu kanë besim se do jenë fitues të Serie A këtë sezon.

Bianconerët e filluan me trofe këtë sezon pas fitores ndaj Lazios në Superkupë dhe në fillim-sezon e deklasuan sërish Lazion, për të dëshmuar formën e lartë ekipore.

Të dy ekipet janë më të suksesshme në Itali , me 47 ndeshje të luajtura në mes tyre, ku Juventus i fitoi 2 të fundit nën trajnerin Antonio Conte.

5 ndeshjet e fundit të Interit :

Catania 0-3 Inter
Inter 2-0 Genoa
Inter 4-0 Cittadella
Real Madrid 3-0 Inter
Juventus 1-1 Inter

5 ndeshjet e fundit të Juventusit :

Juventus 4-1 Lazio
Sampdoria 0-1 Juventus
Juventus 4-0 Lazio
Juventus 1-1 Inter
Juventus 1-3 Los Angelos Galaxy

Ndeshjet e fundit kokë më kokë:

Juventus 1-1 Inter
Inter 1-2 Juventus
Juventus 1-3 Inter
Juventus 2-0 Inter
Inter 1-2 Juventus

Lojtarët kryesorë në këtë derbi:

Rodrigo Palacio

Sulmuesi argjentinas është në formë të lartë. Ai ka shënuar në të trija ndeshjet zyrtare të këtij sezoni që i ka fituar Interi. Prezenca e tij në sulm është rreziku permanent për portën juventine.

Paul Pogba

Trajneri i Interit, Walter Mazzarri e di se Paul Pogba është rreziku më i madh për portën zikaltrë. Mprehtësia që ka treguar talenti i ri francez, vizioni i madh në lojë dhe rrezikshmëria nga distanca, e bëjnë atë njeriun kryesor që do të shënoj në derbi.