PDSH: BDI të kërkojë llogari nga ministrat e saj për ligjet skandaloze
Deputeti i PDSH-së Gazmend Aliu akuzoi sot BDI-në për politikë dyfytyrëshe duke theksuar se BDI ka përgatitur mijëra amendamente kundër ligjeve për letërnjoftim dhe vendbanim, duke thënë se po ato ligje janë mbështetur në qeveri nga ministrat e BDI-së dhe sot deputetët e BDI-së bëjnë sikur i pengojnë ato.
“Grupi parlamentar i BDI-së , në vend që të kërkojë llogari nga ministrat e tyre për këto ligje skandaloze, ata mundohen të aktrojnë, ti kamuflojnë këto ligje antishqiptare, bëjnë kurthe antikombëtare, bëjnë zhurmë kot dhe në fund edhe pse çdokush e ka kuptuar tani që këto ligje janë të dëmshëm sidomos për shqiptarët, këta të BDI-së kërkojnë të përfitojnë maksimalisht nga ky trafikim”, tha Aliu.