Mot i ndryshueshëm me reshje lokale të shiut
Moti sot në Maqedoni do të jetë i ndryshueshëm, paradite me reshje të dobëta lokale të shiut, në viset më të larta me reshje të dobëta të borës. Do të fryjë erë e dobët deri mesatare, kryesisht nga drejtimi lindor. Temperaturat do të jenë prej 4 deri 15 gradë.
Në Shkup do të mbajë mot i ndryshueshëm. Do të fryjë erë e dobët deri në mesatare, kryesisht nga drejtimi lindor. Temperatura do të jetë deri në 12 gradë.
Të martën do të ketë stabilizim kalimtar të motit.Prej të mërkurës, nën ndikimin e një serie të valëve të lagështa dhe relativisht të ngrohta ajrore do të ketë reshje të reja të shiut, të cilat vendevende pritet të jenë më të rrëmbyeshme. Do të fryjë erë mesatare, kohë pas kohe edhe e përforcuar nga drejtimi juglindor.