Wolfsburg triumfon edhe në sfidën e dytë ndaj Interit
Skuadra gjermane, Wolfsburg, ka shënuar fitore 2:1 kundër Interit në sfidën e zhvilluar në Milano.
Gjermanët edhe njëherë u treguan skuadër më e mirë se italianët duke kaluar tutje me rezultat të përgjithshëm 5:2.
Daniel Caligiuri (24’) dhe Nicklas Bendtner (89’) shënuan golat e triumfit për gjermanët, teksa për Interin realizoi Rodrigo Palacio (72’).
Në sfidat tjera, Sevilla kaloi tutje kundër Villarrealit me rezultat të përgjithshëm 5:2.
Club Brugge fitoi 2:1 kundër Besiktasit për të kaluar tutje, sikurse Zeniti që eliminoi Torinon.
