fbpx

Ymeri: OKB s’mund ta formojë Gjykatën Speciale

Lideri i ri i Vetëvendosjes, Visar Ymeri rikonfirmon kundërshtimin e këtij subjekti ndaj Gjykatës Speciale, e cila, sipas tij, shkel mbi parimet bazë të shtetit të Kosovës.

Në një intervistë për gazetën ‘Zëri’, Ymeri nuk i përjashton edhe protestat si mundësi për kundërshtimin e këtij mekanizmi që në ‘target’ e ka UÇK-në.

Sipas tij, nëse nuk kalon në Kuvendin e Kosovës e Kosovës, Gjykata Speciale nuk mund të formohet në Organizatën e Kombeve të Bashkuara, pasi që OKB-ja nuk ka mandat për të formuar një gjykatë të këtij lloji.

Ymeri po ashtu thotë se do të bashkëpunojë me dy partitë opozitare, AAK-në dhe partinë NISMA, për të qëndruar si bllok kundër qeverisë. Ai ka dhënë kritika të ashpra për qeverinë ‘Mustafa’, duke e vlerësuar si kopje të keqe të dy qeverive ‘Thaçi’./Zëri

Lajme të ngjashme

Back to top button